Ajeti shënon golin e tretë në Zvicër (Video)

Ajeti shënon golin e tretë në Zvicër (Video)

Albian Ajeti ka vazhduar me formë të mrekullueshme në elitën e futbollit zviceran.

Sulmuesi kosovar me pasaportë zvicerane ka qenë titular si gjithnjë për skuadrën e tij St Gallen.

St Gallen ishte nikoqire e Thun ku triumfuan me rezultat të thellë 3-0.

Ajeti ishte golashënuesi i parë në këtë takim, ku pas një topi të kthyer nga portieri mysafir e dërgoi në rrjetë në minutën e 19.

Ajeti gjatë një dueli në ndeshjen ndaj Thunit

Ky ishte goli i tretë i Albian Ajetit në elitën e futbollit zviceran me fanellën e St Gallenit këtë edicion.

20-vjeçari këtë edicion ka arritur të bëjë edhe një asistim me bardh e gjelbërtit.

Pas nëntë ndeshjeve në elitën e futbollit zviceran, St Gallen zë pozitën e dytë në tabelë me 15 pikë të grumbulluara.

Tags: Albion Ajeti

Shkruaj koment

Emaili juaj nuk do te publikohet.
Fushat e kerkuara*