AKR: Nuk ka as marrëveshje dhe as takime me PAN-in

AKR: Nuk ka as marrëveshje dhe as takime me PAN-in

Sekretari i Përgjithshëm i Aleancës për Kosovë të Re (AKR), Vesel Makolli, ka theksuar se këto ditë nuk ka pasur takime në mes kreut të PAN-it dhe atij të AKR-së.

Ai ka theksuar për Telegrafin se deri më tani nuk ka asnjë marrëveshje, dhe se sipas tij, ata si subjekt politik, janë duke u angazhuar që të zgjidhet së më parë ngërçi politik i krijuar në vend tash e sa muaj, e gjë e cila po rezulton me prolongimin e formimit të institucioneve.

“Jemi që të arrihet një kompromis në mes partive politike dhe që të zhbllokohet kjo situatë”, ka thënë Makolli.

Ai ka folur edhe rreth një takimi të sotëm në mes të shefit të AKR-së me të parin e Lidhjes Demokratike të Kosovës (LDK).

Sipas tij, takime të tilla janë normale, sepse ata i takojnë një koalicioni, duke shpresuar që “gjërat do të lëvizin sa më parë”.

Tags: AKR, pacolli, PAN

Shkruaj koment

Emaili juaj nuk do te publikohet.
Fushat e kerkuara*