Fillon ueb-samiti më i madh në botë (Foto/Video)

Fillon ueb-samiti më i madh në botë (Foto/Video)

Për herë të dytë me radhë është duke u mbajtur ueb-samiti më i madh në botë në Lisbonë të Portugalisë.

Organizatorët e ueb-samitit kanë arritur të bashkojnë afro 60 mijë persona nga më shumë se 170 vende të ndryshme të botës, ku në mesin e pjesëmarrësve është edhe portali Telegrafi.

Vendet me pjesëmarrjen më të madhe në këtë ueb-samit janë: Austria, Belgjika, Brazili, Kanada, Franca, Gjermania, India, Irlanda, Izraeli, Italia, Holanda, Polonia, Portugalia, Spanja, Suedia, Zvicra, Britania e Madhe, Ukraina, Shtetet e Bashkuara të Amerikës.

Në këtë ueb-samit janë duke marrë pjesë mbi 1200 folës të klasit botërorë, që udhëheqin “agjendën” e lajmeve ndërkombëtare dhe kompanitë më me ndikim në botë.

Vlen të theksohet se prezentë janë Margrethe Vestager, komisionerja evropiane që gjobiti Google me 2.4 miliardë euro, bashkëthemeluesi i Slack, Stewart Butterfield, Al Gore, drejtori ekzekutiv i Reddit, Steve Huffman, Sekretari  i Përgjithshëm i OKB-së, Antonio Guterres dhe drejtori ekzekutiv i Booking.com, Gillian Tans. Pjesëmarrës i ueb-samitit është edhe Stephen Hawking.

Por ueb-samiti nuk do të kishte kuptim nëse do të mungonin edhe start-upat më të mirë në botë, ku raportohet se mbi 200 prej tyre që cilësohen së më të suksesshmit do të jenë pjesë e kësaj jave të madhe.

Gjithashtu mbi 1400 investitorë të teknologjisë do të flasin për përvojat e tyre siç është themeluesi i Breyer Capital, Jim Breyer, Dick Kramlich nga NEA dhe Tim Draper nga Draper Associates.

Për dallim nga e hera e kaluar ku kanë marrë pjesë e folur vetëm 2 apo 3 gazetarë, sa i përket medieve prestigjioze ndërkombëtare, në Lisbonë do të flasin edhe flasin edhe ekspertë të New York Times, Wall Street Journal, The Guardian, Financial Times, Politico, Inc, Forbes, Mashable, Vogue, Venture Beat dhe Business Insider. /Telegrafi/

Shkruaj koment

Emaili juaj nuk do te publikohet.
Fushat e kerkuara*