Golden State fiton në Houston, Oklahoma me fitore të madhe ndaj Clippers (Video)

Golden State fiton në Houston, Oklahoma me fitore të madhe ndaj Clippers (Video)

Golden State ka realizuar fitore të rëndësishme në udhëtim te Houston Rockets ndaj rivalit direkt për vendin e parë me rezultat 124-114.

Në mungesë të James Harden e të udhëhequr nga Chris Paul, Houston bëri të pamundurën duke qëndruar stoikisht fuqishëm në këtë takim.

Megjithatë, Curry me 29 pikë dhe Klay Thompson me 28 pikë ishin të papërmbajtshëm në këtë takim. Shkëlqeu ehe Draymond Green me 17 pikë e 14 kërcime.

Te Houstoni u munduan shumë Eric Gordon me 30 pikë, Gerald Green me 29 pikë dhe Chris Paul me 28 pikë e 9 asistime.

Westbrook me triple double fantastik prej 29 pikësh e 12 kërcimesh dhe 11 asistimesh udhëhoqi Oklahoman drejt një fitore të madhe ndaj Clippers.

George shkëlqeu po ashtu me 31 pikë në këtë duel së bashku me Carmelo Anthonyn i cili realizoi 22 pikë.

Pas këtyre ndeshjeve Golden State shkëputet edhe më shumë në tabelë me tri fitore më shumë se Houston dhe pesë fitore më shumë se San Antonio, kurse Oklahoma është në vendin e pestë me nëntë fitore më pak se Golden State.

Shkruaj koment

Emaili juaj nuk do te publikohet.
Fushat e kerkuara*