Icardi në Real Madrid, por vetëm nëse Interi dështon të kualifikohet në Ligën e Kampionëve

Icardi në Real Madrid, por vetëm nëse Interi dështon të kualifikohet në Ligën e Kampionëve

Mediat italiane raportojnë se Mauro Icardi mund të largohet nga Interi për të kaluar te Real Madridi në fund të sezonit nëse italianët nuk kualifikohen në Ligën e Kampionëve në sezonin e ri.

Sipas La Gazzetta dello Sport, reprezentuesi argjentinas po humbet durimin me klubin e tij, pasi çdo verë ka premtime të mëdha.

Megjithëse Icardi ka shënuar 99 gola të mrekullueshëm në 176 ndeshje në Serie A, por ai nuk ka shënuar asnjëherë në Ligën e Kampionëve.

 Ndërsa, ai mbush 25 vjet muajin e ardhshëm, Maurito nuk është i gatshëm ta shtyj edhe shumë kohë debutimin në garën më të madhe për ekipe.

Icardi është njëri nga sulmuesit më të fortë në botë në qarkullim (Getty Images)

La Gazzetta dello Sport sugjeron që Real Madridi është duke e mbajtur në kontroll situatën dhe janë plotësisht të përgatitur për të paguar klauzolën e lirimit prej 110 milionë eurosh në qershor për të marrë sulmuesin e tyre të ri.

“Championsi blindon Icardin”

Ballina e gazetës: “S’ka Champions, s’ka Icardi”..

Në mënyrë të ngjashme, Interi duhet të rrisë të ardhurat e tyre me kualifikimin e Ligës së Kampionëve për të balancuar librat financiar, pasi ata nuk janë në gjendje të shpenzojnë para në transferime këtë muaj për shkak të parametrave financiar të Fair Play-it.

 Nëse Icardi do të qëndronte në Inter, ai do të nënshkruante një kontratë të re duke ngritur klauzolën e lirimit në 200 apo mbi 200 milionë euro me një rrogë në vlerë prej nëntë milionësh në vit.

Megjithatë, tifozët Nerazzur nuk besojnë në largimin e kapitenit të tyre, pasi Icardi gjithmonë e ka shprehur dashurinë e madhe për klubin.

Shkruaj koment

Emaili juaj nuk do te publikohet.
Fushat e kerkuara*